Ән-Нәмл сүресі

Ән-Нәмл сүресі (араб. النملҚұмырсқалар) — 27-ш Құран сүресі. 93 аяттан тұрады.

Ән-Нәмл сүресі — النمل

Сүренің арабша мәтіні
Атауының мағынасы

Құмырсқалар

Жіктелуі

Меккелік

Жерге түсірілу реті

48

Статистика
Сүре нөмірі

27

Аяттар саны

93

Джуз

19 – 20

Хизб

38 – 39

Рукуғ саны

7

Сәжде саны

27:25 [1]

Сөз саны

1149

Әріп саны

4799

Алдыңғы сүре

Әш-Шуғара сүресі

Келесі сүре

Қасас сүресі

Аударма

QuranAcademy.org
Kuran.kz

Аудио

Фалак.ru


                                   

Мазмұны өңдеу

Сүреде Мұса, Сүлеймен және Сәліһ пайғамбарлар, олардың таухидті үйреткені жайлы айтылады. Сүлеймен пайғабардың оқиғасы тереңірек қамтылған. Сүлеймен пайғамбар Былқысты (Сәбә' елінің патшайымы) һақ дінге аударуы, Мұса пайғамбрдың Інжілде айтылған ғажаптары қайталанады. Сүренің аты Сүлеймен пайғамбар оларға тіл қатқан құмырсқалар атымен аталады.

Cүлеймен пайғамбар өңдеу

"Рас Дәуітпен Сүлеймен (Ғ.С.) ге ғылым бердік те олар: “Барлық мақтау, бізді мүмін құлдарының көбінен артық қылған Аллаға лайық” деді. (27:15)

Сүлеймен, Дәуіт (Ғ.С.) ке мұрагер болды да: “Әй адамдар! Бізге құс тілі үйретілді. Сондай-ақ бізге әр нәрсе берілді. Рас Бұл, әлбетте ашық бір артықшылық.” (27:16)

Сүлеймен (Ғ.С.) нің жыннан, адамдардан, құстардан әскерлері жиналды. Сонда олар толық басқарылуда еді. (27:17)"

Құмырсқа Сүлеймен пайғамбарғы тіл қатады (Алланың қалауымен) өңдеу

"(Ол, бұлармен) ақыр құмырсқаның ойпатына келген сәтте, бір құмырсқа: “Әй құмырсқалар! Ұяларыңа кіріңдер. Сүлеймен, оның әскерлері сендерді білмей жаншып кетпесін” деді. (27:18)

Сонда (Сүлеймен Ғ.С.) құмырсқаның сөзінен жылмыйып күлді де: “Раббым, маған және әке-шешеме мәрхамет еткен игіліктеріңе шүкір етуімді әрі өзің разы болатын іс істеуімді нәсіп ет те өз мәрхаметіңмен ізгі құлдарыңның арасына кіргіз!”,- деді. (27:19)"

Сүлеймен пайғамбардың Былқысты Аллаға сенүге шақыруы өңдеу

"(Сүлеймен Ғ.С.) Құстарды түгендеді де: “Бәбісекті неге көрмеймін, немесе ол, жоғалып кетті ме?”,- деді. (27:20)

“Әлбетте оны қатты қинаймын не оны бауыздаймын. Немесе маған бір ашық дәлел келтірсін.” (27:21)

Сонда ол, көп кешікпей-ақ келіп: “Сен білмеген нәрсені білдім. Сондай-ақ Сәба мемлекетінен анық хабар келтірдім.” деді. (27:22)

“Расында оларға патша болған бір қатын таптым. Оған әр түрлі нәрсе берілген әрі оның үлкен тақты бар.” (27:23)

“Оны да елін де Алладан өзге күнге табынғанын көрдім. Шайтан оларға істеген істерін әдемі көрсетіп, жолдан тосқан. Сондықтан тура жол таба алмайтын көрінеді.” (27:24)

“Көктер мен жердегі көместі көрнеуге шығаратын, өсімдіктерді өсіретін, сондай-ақ олардың көрнеу, көмес істегендерін білетін Аллаға неге сәжде қылмайды?” (27:25)

“Ұлы ғаршының Раббы Алла, Одан басқа ешбір тәңір жоқ.” (27:26)

(Сүлеймен Ғ.С.): “Шын айттық па? Немесе өтірікшілерденсің бе? Көреміз” деді. (27:27)

“Мына хатымды алып барып; оны оларға таста да бұрылып тұрып күт. Не жауап қайтарар екен?” (27:28)

(Былқыс): “Әй бастықтар! Маған бір елеулі хат тасталды” деді. (27:29)

Ол, Сүлейменнен: «Аса қамқор, ерекше мейірімді Алланың атымен» (бастаймын дейді). (27:30)

“Маған ұлықтық қылмаңдар, өзіме бағынған түрде келіңдер!”,-(делінген). (27:31)

“Әй бастықтар! Маған ақыл беріңдер. Сендер болмайынша, бір іске шешім жасамаймын” деді. (27:32)

Олар: “Біз күшті, қатты жауынгерміз. Әмір беру саған тән. Қане не бұйырасың!”,- десті. (27:33)

(Патша оларға): “Сөз жоқ, патшалар қашан бір мемлекетке кірсе, ол жерді бұзып, елінің құрметтілерін қор етеді. Осылайша істейді” деді. (27:34)

“Әрине оларға бір сәлемдеме жіберіп, елшілер арқылы не жауап қайтаратындығын күтемін.” (27:35)

(Елшілер) Сүлеймен (Ғ.С.) ге келген сәтте: “Сендер маған малмен көмек етпекшісіңдер ме? Алланың өзіме бергені, сендер бергеннен жақсы. Сыйлықтарыңмен өздерің-ақ мәз болыңдар” деді. (27:36)

“Елдеріңе қайт! Әрине олар, қарсы тұра алмайтын ләшкермен барып, ол жерден оларды қорлап шығарамын да олардың соры қайнады.” (27:37)

“Әй бастықтар! Олар маған бой ұсынып, келуден бұрын, оның тақтын маған қайсың әкелесіңдер?”,- деді. (27:38)

Жындардан бір ғыприт: “Оны орныңнан тұруыңнан бұрын келтіремін. Шын оған күшім жетеді де сенімдімін” деді. (27:39)

Сондай өзі кітап ғылымына ие біреу де: “Оны кірпік қағуыңнан бұрын келтіремін” деді. (Сүлеймен Ғ.С.) оның, жанына келтіріліп, қойылғанын көрген сәтте: “Бұл Раббымның кеңшілігі. Шүкірлік кылам ба, нәсүкірлік қылам ба, мені сынау үшін. Кім шүкірлік қылса, әрине өзі үшін қылады. Ал кім нәсүкірлік етсе, Раббым бай да (оның шүкірлігіне мұқтаж емес), өте жомарт.” (27:40)

(Сүлеймен Ғ.С.): “Оның тағын өзгертіңдер. Жолға келер ме екен, немесе жолға келмейтіндерден болар ма (Тағын тани ма, танымай ма) екен? Көрейік” деді. (27:41)

Былқыс келгенде: “Тағың осындай ма еді?”,-делінді. Ол: “Осы бейне сол сияқты. Негізінде бізге бұрын мәлімет беріліп, бой ұсынған едік” деді. (27:42)

Оны, Алладан өзге, шоқынған нәрселері тосқан еді. Шынында олар, кәпір елден еді. (27:43)

Оған: “Сарайға кір!” делінді. Оны көргенде, су деп ойлап, балтырын ашты. (Сүлеймен Ғ.С.): “Расында ол, әйнектен жарқыратылып жасалған сарай” деді. (Былқыс): Раббым шынында өзіме кесір еткен екенмін. Сүлейменмен бірге барша әлемнің Раббы, Аллаға бойсұндым.” деді. (27:44)"

Жекелеген сүрелер өңдеу

"Расында Сәмүд еліне: “Аллаға құлшылық қылыңдар” (десін деп) туыстары Салих (Ғ.С.) ты жібердік. Сол уақытта олар екі тап болып, тартысты. (27:45)

“Әй елім! Жақсылықтан бұрын жамандықты тез тілейсіңдер ме? Егер Алладан жарылқау тілесеңдер, әрине мәрхаметке бөленесіңдер” деді. (27:46)

Олар: “Біз, сен және сенімен бірге болғандардың салдарынан сәтсіздікке ұшырадық” деді. (Салих Ғ.С.): “Сәтсіздіктерің Алланың қасында. Негізінде сендер сыналатын елсіңдер” деді. (27:47)

Қалада жер жүзінде бұзақылық істеп, түзушілік істемейтін тоғыз кісі бар еді. (27:48)

Солар Алланың атымен анттасып: “Салихты семьясымен түнде жоқ етіп, сосын жақындарына: “Үй-іштері өлтірілгенде жоқ едік. Күдіксіз біз анық шын айтамыз дейік.”,- десті. (27:49)

Олар сондай айлакерлік жасады. Біз де олар сезбеген жерден шарасын көрдік. (27:50)

Ал олардың айлакерліктерінің соңының не болғандығын бір көр. Оларды да елдерін де тұтас жоқ еттік. (27:51)

Міне олардың зұлымдықтары себепті бұзылған үйлері, білген елге бір ғибрат. (27:52)

Иман келтіріп, сақтанғандарды құтқардық. (27:53)"

Сілтемелер өңдеу

Алдыңғы сүре:
аш-Шу'ара сүресі
Құран - 27 сүре Келесі сүре:
әл-Қасас сүресі
Арабша мәтіні — Қазақ тілі

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114

Осы үлгіні: көру · талқылау · өңдеу

Дереккөздер өңдеу