Тимирязев ауданы

Тимирязев ауданы — Солтүстік Қазақстан облысының оңтүстiк-батыс бөлігінде орналасқан бөлінісі. Аудан 1963 жылы құрылған. Аудан аймағы 4,51 мың шаршы километр. Орталығы - Тимирязево ауылы, облыс орталығымен аралығы 236 км.

Қазақстан ауданы
Тимирязев ауданы
Әкімшілігі
Облысы	Солтүстік Қазақстан облысы
Аудан орталығы	Тимирязево
Ауылдық округтер саны	16
Ауыл саны	22
Әкімі	Ерлан Қайырұлы Жаров
Аудан әкімдігінің мекенжайы	Тимирязево ауылы, Уәлиханов көшесі, №1
Тарихы мен географиясы
Координаттары	53°48′ с. е. 66°32′ ш. б.53.800° с. е. 66.533° ш. б. / 53.800; 66.533
Құрылған уақыты	1963 жыл
Жер аумағы	4510 км²
Уақыт белдеуі	UTC+6:00
Тұрғындары
Тұрғыны	9 869 адам (2023)
Ұлттық құрамы	орыстар (46,47%) қазақтар (36,38%) украиндар (5,14%) немістер (2,65%) әзірбайжандар (1,86%) татарлар (1,62%) беларустар (1,52%) басқа ұлт өкілдері (4,36%)
Сандық идентификаторлары
Пошта индексі	150201-150221
Автомобиль коды	15

Климаты, жер бедері

Климаты тым континенттік. Қаңтардағы ауаның орташа температурасы –18°С, шілдеде 20°С. Аудан орман зонасында орналасқан. Жердiң үстiңгi қабаты қара топырақ. Аумағында 10 көл бар, олардың көлемi 85,5 м2. Москворецк ауылдық округінiң аумағында аудандағы ең үлкен көл "Как" көлi (37,5 м2) орналасқан.

Халқы

Тұрғындары 11 290 адам (2019). Ұлттық құрамы: қазақтар (36,86%), орыстар (45,46%), украиндар (5,46%), немістер (2,59%), татарлар (1,82%), беларустар (1,71%), әзірбайжандар (0,18%), башқұрттар (0,54%), чуваштар (0,50%), поляктар (0,47%), литвалықтар (0,40%), басқа ұлт өкілдері (2,49%).

Әкімшілік бөлінісі

22 елді мекен 16 ауылдық округтерге біріктірілген:

• Ақжан ауылдық округі
• Ақсуат ауылдық округі
• Белоградов ауылдық округі
• Дзержинский ауылдық округі
• Дмитриев ауылдық округі
• Докучаев ауылдық округі
• Есіл ауылдық округі
• Интернациональный ауылдық округі
• Комсомол ауылдық округі
• Құртай ауылдық округі
• Ленин ауылдық округі
• Мичурин ауылдық округі
• Москворецк ауылдық округі
• Тимирязев ауылдық округі
• Хмельницкий ауылдық округі
• Целинный ауылдық округі

Аудан экономикасы (2009 жылдың қорытындылары)

Жалпы білім беретін 26 мектеп, 1 кәсіптік-тех. мектеп, 9 клуб, 22 кітапхана бар. Ауданда 2010 жылғы 1 қаңтарға 190 кәсiпорын тiркелген, оның iшiнде 1 - iрi, 10 - орта, 179 - шағын кәсiпорындар. Олардан 97 заңды тұлға мемлекеттiк меншiк нысанына, 93 - жеке меншiк нысанына жатады. Ауданда облыстың ауыл шаруашылығының жалпы өнiмiнiң 5,2%-ы өндiрiлген (12 499,1 млн.теңге). Өнеркәсiп кәсiпорындарымен (қаржылық емес корпорация секторы) 512,8 млн.теңгенiң өнiмi өндiрiлген, облыстағы үлесi 0,7%. Өнеркәсiп өнiмiнiң физикалық көлемiнiң индексi 101,9% құрайды. Бөлшек тауарайналымының көлемi (қоғамдық тамақтандырусыз) 251,6 млн.теңге сомасын құрайды. Тауарайналымның физикалық көлемiнiң индексi 79,8% құрады. 2009 жылдың басына аудан кәсiпорындарының негiзгi құрал-жабдықтары 8 002,7 млн.теңге сомасын құрап, тозу деңгейi 19,1% болды. Негiзгi капиталға салынған инвестиция көлемi 2 172,4 млн.теңге құрады. Пайдалануға 1,5 мың шаршы метр тұрғын үй берiлдi. Ауданның экономикасында 9,6 мың адам жұмыс iстейдi. Орташа айлық жалақы (кәсiпкерлiк қызметпен айналысатын шағын кәсiпорындарсыз) өткен жылмен салыстырғанда 14,8% өсiп, 36 363 теңгенi құрады. Нақты жалақы 7,3% өстi. Орташа жан басына шағып есептегенде атаулы ақшалай табыс 25 987 теңге құрады. Орташа жан басына шаққандағы күн көрiстiң ең төменгi деңгейiнiң шамасы жыл аяғына 11 820 теңге құрады.