Астрахан ауданы

Астрахан ауданы
	Қазақстан ауданы
	Астрахан ауданы
Әкімшілігі
Облысы	Ақмола облысы
Аудан орталығы	Астраханка
Ауылдық округтер саны	12
Ауыл саны	34
Тарихы мен географиясы
Координаттары	51°31′42″ с. е. 69°47′50″ ш. б. / 51.52833° с. е. 69.79722° ш. б. (G) (O) (Я)Координаттар: 51°31′42″ с. е. 69°47′50″ ш. б. / 51.52833° с. е. 69.79722° ш. б. (G) (O) (Я)
Құрылған уақыты	1936
Жер аумағы	7,4 мың км²
Уақыт белдеуі	UTC+6:00
Тұрғындары
Тұрғыны	19 949 адам (2023)
Ұлттық құрамы	қазақтар (39,61%), орыстар (33,88%), немістер (6,67%), украиндар (6,19%), поляктар (5,34%), беларустар (2,37%), татарлар (1,84%), ингуштар (1,09%), басқалары (3,01%)
Сандық идентификаторлары
Пошта индексі	020300-020326
Автомобиль коды	03

Астрахан ауданы — Ақмола облысының орталық бөлігінде орналасқан әкімшілік бөлініс. 1936 жылы құрылған. Аудан орталығы – Астраханка ауылы.

Географиялық орныӨңдеу

Аудан Сарыарқаның солтүстік-батысында орналасқан. Жер бедері теңіз деңгейінен 100 – 300 метрден аспайтын ұсақ төбелі-белесті жазық келеді. Кен байлықтарынан алтын, табиғи құрылыс материалдары кездеседі.

Климаты, өсімдігі мен жануарлар дүниесіӨңдеу

Климаты тым континенттік, қысы ұзақ суық, жазы қоңыржай ыстық. Орташа температурасы қаңтарда – 18°С, шілдеде 20°С. Жылдық жауын-шашынның орташа мөлшері 300 – 350 мм, көбіне жазда жауады. Аудан жерін Есіл, Қалқұтан, т.б. өзендер суландырады. Тұщы және ащы көлдері: Ұзынкөл, Баршын, Жалтыркөл, Ортакөл, Берсен, Үштаған, Шұңқыркөл, Нарынбай, т.б. Жер асты сулары 2 – 8 м тереңдікте кездеседі. Есіл өзенінің оң жағалауы карбонатты, кей жері сортаңды қара топырақ, сол жағалауы карбонатты қара қоңыр топырақ болып келеді. Тың игеру жылдары аудан жерінің көбі жыртылды. Аудан жері селеу, қылқан селеу, бетеге, жусан, кермек, өлең, т.б. түрлі шөп өскен дала белдеміне жатады. Өзен жайылмаларында бидайық, арпабас, жауқияқ, айрауық, қамыс, түрлі шөп аралас шалғын өседі. Жануарлардан қарсақ, дала суыры, ор қоян, ақ қоян, үлкен сарышұнақ, дала шақылдағы мен тышқаны, аламан тышқаны, эверсманн атжалманы, сасық күзен, дала және кәдімгі тоқалтіс, жабайы шошқа, ондатр; су құстарынан қаз, үйрек, т.б. мекендейді. Суларында мөңке, оңғақ, алабұға, торта, шортан, аққайран кездеседі.

ШаруашылығыӨңдеу

Ауыл шаруашылығымен 1 аудан арнаулы шаруашылық бірлестігі, 12 кеңшар, 6 ұжымдық ауыл шаруашылығымен мекемесі, 1 жауапкершілігі шектеулі серіктестік шұғылданады. Ауыл шаруашылығымен жері 671 мың га, оның 417,9 мыңы (62,3%-і) дәнді дақылдық, 36,0 мыңы шабындық, 217,1 мыңы жайылымдық жер. Орман 2,5 мың га. Ауыл шаруашылығыменның басты саласы — астық, жем-шөп, картоп егу. Негізінен сиыр, қой, жылқы, шошқа өсіріледі.

ИнфрақұрылымыӨңдеу

Ауданда 36 мектепке дейінгі балалар мекемесі, 36 жалпы білім беретін және музыка мектебі, ауылдық кәсіптік-техникалық училище, 7 мәдениет үйі, 23 клуб, 46 кітапхана, 48 емдеу-сауықтыру мекемесі бар. Аудан жері арқылы Астана – Атбасар – Қарталы темір жолы, Астана – Атбасар, Астраханка – Макинск автомобиль жолдары өтеді.

ХалқыӨңдеу

Тұрғындар саны: 23 615 адам (2019).

Ұлттық құрамы: қазақтар (39,77%), орыстар (33,47%), украиндар (6,36%), немістер (6,72%), беларустар (2,33%), татарлар (1,83%), шешендер (0,34%), башқұрттар (0,25%), ингуштар (1,09%), поляктар (5,64%), удмурттар (0,18%), басқалары (2,03%).

Ауылдық округтерӨңдеу

34 елді мекен 11 ауылдық округ пен 1 ауылдық әкімдікке біріктірілген:

Ауылдық округ	Халық саны (2009)	Елді мекендері
Астрахан ауылдық округі	6716	Астраханка, Жаңабірлік, Таволжанка ауылдары
Ескі Қалқұтан ауылдық округі	1462	Ескі Қалқұтан, Еңбек, Ковыленка, Қоскөл ауылдары
Есіл ауылдық округі	1906	Зелёное, Степное, Шілікті ауылдары
Жалтыр ауылдық округі	5426	Жалтыр, Ақбейіт, Жарсуат, Ягодное ауылдары
Каменка ауылдық әкімдігі	863	Каменка ауылы
Қалқұтан ауылдық округі	1145	Қалқұтан, Бірлік ауылдары
Қызылжар ауылдық округі	1785	Жаңатұрмыс, Акимовка, Оксановка ауылдары
Николаев ауылдық округі	1638	Петровка, Жамбыл, Өрнек ауылдары
Новочеркасск ауылдық округі	2021	Новочеркасское, Өндіріс, Приишимка ауылдары
Острогор ауылдық округі	940	Жаңа Қалқұтан, Қаракөл ауылдары
Первомай ауылдық округі	2693	Первомайка, Камышенка, Лозовое ауылдары
Ұзынкөл ауылдық округі	760	Ұзынкөл, Алғабас, Бұлақты ауылдары

ДереккөздерӨңдеу

Сыртқы сілтемеӨңдеу

Астрахан ауданы(қолжетпейтін сілтеме)

[1] Қазақстан Республикасы халқының жынысы және жергілікті жердің типіне қарай саны (2023 жылғы 1 қаңтарға)

[2] Қазақстан Республикасы халқының жекелеген этностары бойынша саны (2022 жыл басына)

[kazindex.ru-3] Қазақстан почталық индекстері

[1]

[2]

[3]