Жақсы ауданы
Жақсы ауданы – Ақмола облысының солтүстік-батысындағы әкімшілік бөлініс. 1955 жылы тың және тыңайған жерлерді игеруге байланысты құрылған, әкімшілік шекара ретінде 1957 жылы құрылды. Аудан орталығы – Жақсы ауылы.
| Қазақстан ауданы | |
| Жақсы ауданы | |
| Әкімшілігі | |
|---|---|
| Облысы | |
| Аудан орталығы | |
| Ауылдық округтер саны |
14 |
| Ауыл саны |
25 |
| Әкімі |
Қадыралина Алмагүл Аманжолқызы |
| Тарихы мен географиясы | |
| Координаттары |
51°59′ с. е. 67°17′ ш. б. / 51.983° с. е. 67.283° ш. б. (G) (O) (Я)Координаттар: 51°59′ с. е. 67°17′ ш. б. / 51.983° с. е. 67.283° ш. б. (G) (O) (Я) |
| Құрылған уақыты |
1957 |
| Жер аумағы |
969 264 га км² |
| Уақыт белдеуі | |
| Тұрғындары | |
| Тұрғыны |
19 088[1] адам (2019) |
| Ұлттық құрамы |
қазақтар (47,32%), орыстар (23,73%), украиндар (13,76%), немістер (4,35%), беларустар (2,45%), басқалары (8,39%)[2][3] |
| Сандық идентификаторлары | |
| Телефон коды |
(71635) |
| Пошта индексі |
021200-021231[4] |
| Автомобиль коды |
03 |
|
| |
Жер бедеріӨңдеу
Жақсы ауданы дала белдемінде орналасқан. Ауданның солтүстік жартысын абсолюттік биіктігі 300 — 400 м ұсақ шоқылы — жонды таулар мен Көкшетау қыратының оңтүстік-батыс бөлігі алып жатыр. Оңтүстік жағын жонды-белесті келген, абсолюттік биіктігі 250 — 300 м болатын Атбасар жазығының батыс бөлігі қамтыған.
Климаты, өсімдігі мен жануарлар дүниесіӨңдеу
Климаты континенттік, қысы суық, қары аз (20 см), жазы ыстық, құрғақ. Қаңтардағы орташа температура –17 — 18°С, шілдеде 19 — 20°С. Жауын-шашынның жылдық орташа мөлшері 300 — 350 мм. Аудан жері арқылы Есіл, Терісаққан, Аққайрақты, Жаман Қайрақты, Құмай өзендері ағып өтеді. Ең үлкен көлі — Қалмақкөл. Солтүстігінде карбонатты қара, оңтүстігінде карбонатты қызыл қоңыр топырақ, өзен жайылмаларында шалғындық топырақ тараған. 1954—56 жылдары аудан жерінің көпшілік бөлігі жыртылды. Жыртылмай қалған жерлерінде жусан аралас селеулі, бетегелі-селеулі далалық өсімдіктер, Есіл аңғарында бұта аралас шалғын өседі. Қасқыр, түлкі, қарсақ, қоян, суыр, қарабауыр, күзен, сарышұнақ, қосаяқ, дала белдеміне тән құстар (бозторғай, қаратамақ, т.б.) мекендейді.
ХалқыӨңдеу
Тұрғындар саны: 19 088 адам (2019).
- Ұлттық құрамы: қазақтар (47,32%), орыстар (23,73%), украиндар (13,76%), немістер (4,35%), беларустар (2,45%), татарлар (2,16%), мордвалар (1,75%), башқұрттар (0,71%), ингуштар (0,70%), молдовандар (0,73%), әзірбайжандар (0,51%), удмурттар (0,50%), армяндар (0,05%), марилер (0,02%), басқалары (1,26%).
Әкімшілік құрылымыӨңдеу
25 елді мекен 2 ауылдық әкімдік пен 12 ауылдық округке біріктірілген:
- Белағаш ауылдық округі
- Беловодский ауылдық округі
- Есіл ауылдық округі
- Жақсы ауылдық округі
- Жаңақима ауылдық округі
- Запорожье ауылдық округі
- Калинин ауылдық округі
- Киев ауылдық округі
- Қызылсай ауылдық округі
- Новокиенка ауылдық әкімдігі
- Подгорное ауылдық округі
- Тарасов ауылдық округі
- Терісаққан ауылдық әкімдігі
- Чапаев ауылдық округі
ДереккөздерӨңдеу
- ↑ Ақмола облысының Статистика департаменті. 01.07.2019
- ↑ Қазақстан Республикасының Статистика агенттігі. Қазақстан Республикасы тұрғындарының облыстар, қалалар мен аудандар, жынысы мен жас ерекшелігі топтары, этностық бөлігі бойынша 2010 жылдың басындағы саны
- ↑ 2009 жылғы санақ бойынша Қазақстан тұрғындарының ұлттық құрамы
- ↑ Қазақстан почталық индекстері