Үлгі:Басты бет/Жаңалықтар/2015

2015 жылғы оқиғалар

Қаңтар өңдеу

10 ақпан - 2013 жылғы 1000 теңгелік номинал дизайны заңға қайшы деп танылды.
12 қаңтар - академик Мұхтар Әлиев (1933 ж.туған) дүниеден өтті.

Ақпан өңдеу

5 ақпан - кинорежиссер, суретші, Қазақ мультипликациясының атасы атанған Әмен Әбжанұлы Қайдаров қайтыс болды.
6 ақпан - "Эйр Қазақстан" әуе компаниясы Kazakh Air болып өзгерді.
7 ақпан - Белгілі жазушы Герольд Карлович Бельгер қайтыс болды.
7 ақпан - "Реал Мадрид" клубымен Шымкентте футбол академиясын салу жөнінде келісімге қол қойылды.
9 ақпан - Қазпочта жүйесінің қызметі латын қарпіне көшетіндігін жариялады.
24 ақпан - саясаткер, ҰҚК-ның бұрынғы төрағасы Рахат Әлиев дүниеден өтті.

Наурыз өңдеу

7 наурыз - Мысыр мемлекеті елордасын көшіріп, жаңа жерден жаңа қала етіп салатындығын мәлімдеді.
23 наурыз - Майкрософт компаниясы Internet Explorer брендін әрі қарай дамытудан бас тартты.
26 наурыз - Қазатомөнеркәсіп басшысы Нұрлан Қаппаров Боао қаласында (Хайнань, ҚХР) қайтыс болды.

Сәуір өңдеу

9 сәуір - Украинада коммунистік және фашистік режимдердің белгілері мен насихатын айыптау заңы қабылданды.
сәуір - Қазақстанның біраз облыстарын топан су басты.
15 сәуір - YouTube бейнематериалдар хостингісі қазақ тіліне аударылды.
18 сәуір - Алматы метросында Сайран және Мәскеу станциялары ашылды.
26 сәуір - Алматының "Қайрат" командасы мини-футболдан УЕФА кубогын жеңіп алды.
26 сәуір - Нұрсұлтан Әбішұлы Назарбаев Қазақстан Республикасының Президенті болып 5 жыл мерзімге қайта сайланды.
28 сәуір - Мәскеуде қазақстандық және ресейлік эстарада әншісі, сазгер Батырхан Шүкенов өмірден озды.
29 сәуір - Қазақстан үкіметінің басшысы болып Кәрім Қажымқанұлы Мәсімов қайта тағайындалды.

Мамыр өңдеу

3 мамыр - Қазақтың тұңғыш кәсіби дирижері Шамғон Сағаддинұлы Қажығалиев (1927 ж.) дүниеден өтті.
3 мамыр - Қазақстан Жоғарғы Кеңесін 11 жыл басқарған Қилыбай Үсенұлы Медеубеков дүниеден өтті.
5 мамыр - Мемлекеттік сыйлықтың лауреаты, жазушы, Оразбек Сәрсенбаев (1938) дүниеден өтті.
Мамыр - Қазақстанда пастереллёз ауруынан киіктердің жаппай қырылуы орын алуда.
7 мамыр - суретші, Қазақстан мемлекеттік сыйлығының және "Тарлан" сыйлығының лауреаты Үке Әжиев қайтыс болды.
8 мамыр - Еуразиялық Экономикалық Одаққа Қырғыз Республикасы мүше болып кірді.
20 мамыр - академик, профессор, тарих ғылымдарының докторы Мәлік-Айдар Хантемірұлы Асылбеков қайтыс болды.
21 мамыр - ақын, халықаралық "Алаш" әдеби сыйлығының лауреаты Тұрсынай Оразбаева (1950) дүниеден озды.
23 мамыр - белгілі қаламгер Дидахмет Әшімханұлы дүниеден озды.
24 мамыр - Польшада Президент сайлауы өтіп, Анджей Дуда жеңіске жетті.
24 мамыр - Амстердамда Еуропа қазақтарының ХІІІ құрылтайы өтті.
25 мамыр - математика ғылымдары бойынша Нобель сыйлығының иегері Джон Форбс Нэш жол апатынан қайтыс болды.
30 мамыр - Грузияның экс-президенті Михаил Саакашвили Украинаның Одесса облысының губернаторы болып тағайындалды.
30 мамыр - FIFA футболдан әлем чемпионаттары 2018 жылы - Ресейде және 2022 жылы - Катарда өтетіндігін растады.
30 мамыр - Йозеф Блаттер бесінші рет ФИФА президенті болып сайланды.
30 мамыр - Қытай әйелдеріне бірнеше күйеуге шығуға рұқсат беру туралы заң шықты.

Маусым өңдеу

2 маусым - Ғарышкер Айдын Айымбетовты Халықаралық ғарыш станциясына (ХҒС) ұшатын үшінші қазақстандық болды.
2 маусым - Байқоңыр ғарыш айлағындағы Қазақстандық-ресейлік “Бәйтерек” зымыран-ғарыш кешенінің құрылысы 2021 жылға жоспарланып, “Ангара” зымыран тасығышының негізінде жүзеге асырылатындығы хабарланды.
2 маусым - ФИФА президенті Йозеф Блаттер өз лауазымынан бас тартты.
3 маусым - Латвия Сеймі Латвия Президенті қызметіне Раймондс Вейонисті 4 жыл мерзімге сайлады.
5 маусым - 3D форматындағы «Қазақстан энциклопедиясы» ғаламторға шығарылды.
11 маусым - Әділбек Рыскелдіұлы Жақсыбеков «Астана Экспо-2017» ұлттық компаниясының басқарма төрағасы болып тағайындалды.
11 маусым - Хантауынан Керей ханның қыстауы табылды.
15 маусым - Ресейдің танымал әншісі Жанна Фриске дүниеден озды.
16 маусым - Социалистік еңбек ері Маржан Енбаева дүниеден озды.
17 маусым - Түркияның бұрынғы президенті Сүлеймен Демирел қайтыс болды.
22 маусым - Қазақстан 19 жылдық келіссөздер нәтижесінде Дүниежүзілік сауда ұйымына мүше болды.
23 маусым - Қазақстандық ғарышкер Айдын Айымбетовтің 2015 жылы қыркүйекте ғарышқа ұшатынын "Роскосмос" растады.
26 маусым - Ресейдің бұрынғы премьер-министрі Евгений Примаков дүниеден өтті.

Шілде өңдеу

2 шілде - Facebook әлеуметтік желісі өз логотипіне бірқатар өзгерістер енгізетіндігін хабарлады.
3 шілде - Ірі қаржы институты саналатын «Қазкоммерцбанк» пен «БТА» банкі қосылып, ірі банк жүйесін құрды.
9 шілде - Қазақстан парламентінде базалық зейнетақы тағайындау тәртібін өзгертетін заң екінші оқылымында қабылданды.
9 шілде - Ватиканнан Қазақ хандығының 16 ғасырдағы картасы табылды.
10 шілде - 2016 жылдан бастап, Қазақстан мектептерінде 5 күндік оқыту стандарттары енгізілетіндігі хабарланды.
12 шілде - Йемендік дәрігер ЖИТС-ті емдеу дәрісін патенттеді.
13 шілде - Теміртауда ерекше хайуанаттар бағы ашылды.
15 шілде - НАСА New Horizons ғарыш аппараты ең кішкентай ғаламшар Плутонға дейін ұшып барды және оның бетінен небары 12,5 мың шақырымнан ұшып өтті.
16 шілде - Маңғыстау облысында Қазақстандағы төртінші мұнай өңдеу зауыты (МӨЗ) салынатындығы туралы мәлімделді.
16 шілде - Бөкей хан мен Жәңгір ханның қылыштары Ресей мұражайларынан табылды.
17 шілде - «Сырдария өзенінің арнасын реттеу және Солтүстік Арал теңізін сақтап қалу» жобасының екінші кезеңі қолға алынатындығы жария етілді.
21 шілде - Қазақ хандығының 550 жылдығына арналған «Қазақ хандары» энциклопедиялық анықтамалық жинақ жарық көрді.
22 шілде - Тоғызқұмалақ теориясының авторы, тоғызқұмалақтан бірнеше дүркін Қазақстан чемпионы Серікбай Тілеубаев (5.04. 1940) дүниеден өтті.
23 шілде - Алматының Наурызбай ауданында сел жүріп, 300-ге жуық тұрғын қауіпсіз жерге көшірілді.
23 шілде - Қазақстан мектептерінде 2016 жылдан бастап дінтану пәні оқыту туралы білім министрінің бұйрығы жарияланды.
24 шілде - НАСА өз сайтында Жерге қатты ұқсайтын жаңа экзопланетаны тапқандығын хабарлады.
27 шілде - мүсінші, ҚазКСР-інің халық суретшісі, Қазақстанның еңбек сіңірген өнер қайраткері Еркін Тілекұлы Мергенов (6.3.1940) қайтыс болды.
29 шілде - Үндістанның бұрынғы президенті Абдул Калам (1931 ж. туған) 84 жасқа қараған шағында дүниеден озды.
31 шілде - ХОК мүшелері дауыс беру арқылы XXIV қысқы Олимпиада және XIII Паралимпиадалық ойындар 2022 жылы Бейжіңде өтетіндігін айқындады.

Тамыз өңдеу

1 тамыз - Оңтүстік Қазақстан облысындағы Сайрам-Өгем шатқалындағы биіктігі 3 мың 535 метр болатын шыңға «Қазақстан халқы Ассамблеясы» деген атау берілді.
3 тамыз - "Қазақстан энциклопедиясы" интернет порталы құрылатыды деп хабарланды.
4 тамыз - Қазақстанда 2018 жылдың қаңтарынан бастап зейнетақы жүйесінің «жұмыс берушінің қосымша міндетті бес пайыздық зейнетақы жарнасы» есебінен жаңа шартты жинақтаушы компонентін құру туралы заңнама қабылданды.
4 тамыз - Батыс Қазақстан облысы Бөрілі ауданы прокуратурасы “суицидті насихаттайтын” жеті сайтты жапты.
5 тамыз - Қазақстанда ДСҰ-ға мүше мемлекеттердің барлығына бір салықтық жүйе енгізілетіндігі хабарланды.
12 тамыз - Қытайлық Тяньцзинь қаласында адамзат тарихындағы ең қуатты ядерлік емес жарылыс (суретте) нәтижесінде 112 адам мерт болды.

14 тамыз - Қазақстанда мемлекеттік қызметкерлердің тәртібінің бірыңғай стандарттары жасалды.
15 тамыз - Солтүстік Корея өзінің жеке Пхеньян уақытына ауысты.
17 тамыз - композитор, Қазақстанның халық артисі, Қазақстанның еңбек сіңірген өнер қайраткері Базарбай Сағадиұлы Жұманиязов дүниеден озды.
20 тамыз - Қазақстан теңгесінің бағасы 19 тамызда еркін ағымда анықталатын шешім қабылданғаннан кейін 35%-ға құнсызданды.
20 тамыз - Қазақстан премьер-министрі Кәрім Мәсімов үкіметтің селекторлы отырысын өткізіп, Қазақстанның жаңа экономикалық саясатқа көшетінін айтты.
20 тамыз - Ресейдің және КСРО-ның Халық әртісі Лев Константинович Дуров Мәскеудегі ауруханалардың бірінде өмірден өтті.
20 тамыз - NASA сарапшылары зерттеуіне қарағанда, 2015 жылдың шілдесі Жердегі соңғы 200 жыл ішіндегі ең ыстық ай болған.
24 тамыз - Қазақстандық Елдос Бақытбайұлы Сметов дзюдодан әлем чемпионы атанды.
26 тамыз - Астана клубы 2015-16 жылғы Еуро-кубоктар маусымында кипрлық АПОЕЛды жылпы есепте 2-1 есебімен ұтып Қазақстан тарихында алғашқы клуб болып Еуропа Чемпиондар Лигасының топтық кезеңіне жолдама алды.
27 тамыз - Грекия үкіметінің басына тұңғыш рет әйел адам премьер-министр болып, Васелика Бану-Христофилу басқаруға келді.
28 тамыз - Қазақстан УЕФА рейтингінде 27-орынға шықты.
29 тамыз - Қызылорда облысының Жалағаш ауданында жарық диодты шамдар өндіретін зауыт ашылды.
30 тамыз - Астана қаласында Теңге ілуден І ашық Азия чемпионаты және Асау үйретуден республикалық турнир басталды.
30 тамыз - Алматыда алғаш рет қарбыз фестивалі өтті.
31 тамыз - Бокстан Әлем және Еуропа чемпионы, Ресей құрамасының аса ауыр салмақтағы мүшесі, ингуш жігіті Ислам Яхьяевич Тимурзиев (1983 ж. туған) ұзаққа созылған ауыр науқастан 32 жасында қайтыс болды.

Қыркүйек өңдеу

1 қыркүйек - 2016 жылдың 1 қаңтарынан бастап ЕАЭО елдері үшін дәрілік заттардың ортақ нарығы өз жұмысын бастайды.
2 қыркүйек - Қазақстан азаматтарының ҚР азаматтығына қабылдануына байланысты жеке куәлік алу кезінде міндетті түрде ант беру туралы «жеке басты куәландыратын құжаттар туралы» Заңға өзгерістер енгізілетін болады.
2 қыркүйек - Қазақстандық үшінші ғарышкер Айдын Ақанұлы Айымбетов «Союз ТМА-18М» ғарыш кемесімен Байқоңыр ғарыш айлағынан ғарышқа аттанды.
2 қыркүйек - Қазақстандық альпинист, спорт шебері, халықаралық дәрежедегі спорт шебері, ТМД және Ресей чемпионы Александр Александрович Ручкин (26.11.1963 жылы туған) Перу тауларында шың бағындыру барысында қаза тапты.
2 қыркүйек - Қазақстан Ұлттық банкі қайта қаржыландыру мөлшерлемесін 12 пайыз етіп қайта бекітті.
3 қыркүйек - «Қазпошта» бүкіл әлем бойынша сәлемдемелерді қадағалау қызметін іске қосты.
3 қыркүйек - Қазақ хандығының 550 жылдығын бастап беру міндеті Асанәлі Әшімовке жүктелді.
3 қыркүйек - Ресей президенті Владимир Путин Мемлекеттік думаға есеп айырысуда аралық валюта ретінде доллар мен евродан бас тартуға мүмкіндік беретін механизмді жасау туралы заң жобасын енгізді.
4 қыркүйек - Қазақстан Коммунистік партиясы қызметін тоқтатты.
4 қыркүйек - Қазақстан үкіметі АИ-92 маркалы бензинді еркін айналымға жіберіп, қадағалаудан бас тартатынын мәлімдеді.
8 қыркүйек - Қазақстанда халыққа қызмет көрсету орталықтары базасында «Азаматтар үшін үкімет» мемлекеттік корпорациясы құрылатындығы хабарланды.
9 қыркүйек - Қазақстанда 30 қыркүйеккке дейінгі аралықта екі миллионға жуық салымшының теңгелік депозиттері бойынша өтемақы төленетін болады
9 қыркүйек - Назарбаев “Қазатомөнеркәсіптің” активтерін жекеменшік қолға беруді тапсырды.
10 қыркүйек - Қазақ хандығы тарихына арналған «1460.kz» тарихи-мультимедиалық сайты ашылды.
11 қыркүйек - ОАР-да ғалымдар бұрын соңды ғылымға бейтаныс адам түрін анықтадық деп хабарлады.
11 қыркүйек - Өзге өңірден келетін көліктер енді Алматыға кірмейді. Темір тұлпарлар қаланың үш қапталынан салынатын арнайы тұраққа қойылады.
11 қыркүйек - Каталонияда жүздеген адам Испаниядан бөлінуді талап етіп, шеруге шықты.
12 қыркүйек - «Союз ТМА-16М» кемесінің түсірілетін капсуласымен жаңа ғарыштық рекордсмен Геннадий Падалка (Ресейғарыш), қазақстандық ғарышкер Айдын Айымбетов, сондай-ақ Данияның алғашқы астронавты Андреас Могенсен Қазақстанда есептелген аудан маңына қонды.
13 қыркүйек - Марста оның бетінің астында жасырынып тұрған алып мұздық табылды. Оның ауданы 1 млн шаршы шақырымнан асады, ал қалыңдығы шамамен 40 метрді құрайды.
13 қыркүйек - Этникалық қазақ Аман Төлеев Ресейдің Кемеров облысының губернаторы болып сайланды.
14 қыркүйек - Қазақстан үй салушылар қауымдастығы доллардан түбегейлі бас тартуды ұйғарды.
14 қыркүйек - Қазақстанда құжаттар беру мерзімі қысқарды. Бұдан былай ел азаматтары жеке куәлікті 15 күн ішінде ала алады.
15 қыркүйек - КСРО-ның халық әртісі, «Сыған» фильміндегі Будулай рөлінен кейін танымал болған Михай Ермолаевич Волонтир Кишиневте республикалық клиникалық ауруханада 82 жасына қараған шағында дүниеден озды.
15 қыркүйек - Ақтөбе қаласында рельстер мен қалыпқа құйып илемдеудің сынақтарын жүзеге асыратын Қазақстандағы бірінші аттестаттау орталығы болатын сынақ зертханасы өз жұмысын бастады.
16 қыркүйек - Facebook әлеуметтік желісінің негізін қалаушы Марк Цукерберг желідегі жазбалардың астында «дислайк» («ұнамайды») батырмасының пайда болатынын мәлімдеді.
16 қыркүйек - Қазақстанда 2016 жылдың қаңтарынан бастап әлеуметтік жәрдемақылар мен шәкіртақы 25 пайызға көбейеді.
17 қыркүйек - Чилиде магнитудасы 8,3 балл болатын қуатты жерасты дүмпуі тіркелді.
18 қыркүйек - Ашхабадтағы Азия Олимпиада кеңесінің (АОК) бас ассамблеясында өзбектің кураш күресін 18-ші Жазғы Азия ойындарының ресми бағдарламасына енгізуге шешімі қабылданды.
18 қыркүйек - Facebook компаниясы БАҚ журналистері мен қызметкерлеріне ақпарат іздеу жүйесін жасады. Жаңадан құрылған Signal жобасы Facebook және Instagram желілеріндегі жаңалықтар мен әйгілі тақырыптарды бақылап отыруға мүмкіндік береді.
18 қыркүйек - Алматы облысында Қазақстандағы Кеңес одағының соңғы батыры Иван Васильевич Косенков қайтыс болды.
21 қыркүйек - Қазақстанда алғаш рет педофилдерге өмір бойына бас бостандығынан айыру жазасы енгізілді.
22 қыркүйек - Ұлттық баспасөз клубының вице-президенті және ҚазТАГ халықаралық ақпарат агенттігінің бас директоры Александр Максимович Кимасов (1936 ж. туған) дүниеден өтті.
24 қыркүйек - Ресей империясын 300 жылдай билеген Романовтар әулетінің өліміне қатысты Ресейдің тергеу комитеті қайта қылмыстық іс қозғады.
25 қыркүйек - Сауд Арабиясының королі Салман Меккеде орын алған қайғылы оқиғадан кейін қажылықты жүргізу ережелеріне өзгеріс енгізетінін мәлімдеді.
26 қыркүйек - Тимур Құлыбаев Ұлттық Олимпиада Комитетінің президенті болып сайланды
28 қыркүйек - Биылғы жылдан бастап экономиканың бәсекеге қабілеттілігі мен еңбек өнімділігін арттыруға үлес қосқан материалдық өндірістің түрлі салаларының еңбеккерлері мен жұмысшылары «Еңбек Даңқы» орденімен марапатталатын болады.
29 қыркүйек - Қазақстанда «Ақтабан шұбырынды» кезіндегі қазақ батырларын зерттеумен айналысатын қор құрылады деп хабарланды.
29 қыркүйек - NASA ғалымдары Марста тұтас өзендердің барын анықтады.

Қазан өңдеу

5 қазан - Қазақстандық көрермендерге ол «Мың бір түн» және «Махаббат пен жаза» телехикаяларымен танымал болған Түркияның белгілі актрисасы Томрис Инжер (67 жасында) қайтыс болды.

11 қазан - Түркияның астанасы Анкара қаласында болған террорлық акт нәтижесінде 97 адам қаза болды және 200-ден астам адам түрлі жарақаттар алды (суретте).
11 қазан - Беларусьте өткен президент сайлауында Александр Григорьевич Лукашенко жеңіске жетті, алдын ала мәліметтер бойынша ол 83,49% дауыс жинады.
12 қазан - белгілі қоғам қайраткері, заң ғылымдарының докторы, профессор, Қазақ гуманитарлық заң университетінің президенті Мақсұт Сұлтанұлы Нәрікбаев (75 жасында) өмірден озды.
13 қазан - Анкара билігі Түркияның астанасында орын алған терактіден соң Facebook пен Twitter әлеуметтік желілерін бұғаттап тастады.
13 қазан - Қазақстан парламенті мәжілісінің депутаты Сәкен Егінбайұлы Жылқайдаров (1956 ж. туған) кенеттен қайтыс болды.
14 қазан - Нұрсұлтан Назарбаевтың жарлығымен Қазақстан Республикасының ғарышкері Айдын Айымбетовке «Халық қаһарманы» атағы берілді.
14 қазан - Атырауда жасы 68-ге келген Қазақстанның бұрынғы премьер-министрі Нұрлан Балғымбаев көз жұмды.
15 қазан - Израильде қазақстандық белгілі ақын және аудармашы Владимир Григорьевич Краснер (89 жас) қайтыс болды.
21 қазан - Белгілі қазақстандық жұлдызшы, ауа райын болжаушы Назарбек Қожамсейітов 70-тен асқан шағында дүниеден өтті.
21 қазан - Дүниежүзілік таэквондо федерациясы қатардағы жауынгер Нұрсұлтан Мамаевты ғаламшардың үздік спортшысы екенін жария етті.
22 қазан - «Алтын домбыраның» иесі атанған айтыскер ақын Балғынбек Имашев айтыстан кететінін мәлімдеді.
29 қазан - Қытай билігі “бір бала” саясатын тоқтатып, екі бала тууға рұқсат берді.

31 қазан - Ресейлік «Когалымавиа» әуе компаниясының ұшағы (суретте) апатқа ұшырап, бортта болған барлық 224 адам мерт болды.

Қараша өңдеу

2 қараша - Данияр Талғатұлы Ақышев Қазақстан президенті Нұрсұлтан Назарбаевтың жарлығымен Қазақстан Ұлттық банкі басшысы болып тағайындалды.
2 қараша - Қазақстанда полицейлерге көліктерді соғып тоқтатуға рұқсат берілді.
2 қараша - Қазақстан “Ислам мемлекеті” экстремистік ұйымын террорлық ұйым деп танып, қызметіне тыйым салды.
7 қараша - Израильдің бесінші президенті, бұрынғы білім министрі Ицхак Навон 95 жасқа қараған шағында өмірден озды.
9 қараша - Археологтар Иордания аумағынан Лұт (ғ.с.) пайғамбар заманында Құдайдың қаһарына ұшырап, жойылған қауым мекендеген қаланың орнын тапты.
10 қараша - Балалар жазушысы Әлдихан Қалдыбаев (1939 жылы туған) дүниеден озды.
11 қараша - Германияның бұрынғы канцлері Гельмут Шмидт 96 жасында өмірден озды.
12 қараша - Алматыда ғаламның алты миллиардыншы адамы куәлік алды.
12 қараша - Американың Нью-Джерси штатында атақты британдық The Beatles рок-тобының дебюттік Love Me синглын жазуға атсалысқан барабаншы Энди Уайт қайтыс болды.
12 қараша - Орта салмақта WBC тұжырымының чемпионы 35 жастағы пуэрториколық боксшы Мигель Котто бокспен қош айтысатынын мәлім етті.
12 қараша - Шертпе күйдің шебері Тәттімбет Қазанғапұлының Құрманғазы Сағырбайұлымен түскен көне суреті табылды.

13 қараша - Париждегі террорлық актлер (суретте) сериясы кезінде 120-дан астам адам қаза болды.
14 қараша - «Батыс Еуропа — Батыс Қытай» халықаралық көлік дәлізінің құрылысы Ақтөбе облысында аяқталып, эстафета ресейліктерге табысталды.
14 қараша - Жамбылдың немересі, Қазақстанның халық ақыны Әлімқұл Жамбылов 88 жасында өмірден озды.
16 қараша - «28 панфиловшылар» фильмінің бейнекадрлары интернетке шықты.
17 қараша - ауыр атлетикадан әлем чемпионы Владимир Седов спортпен қоштасты.
18 қараша - Елбасы Нұрсұлтан Назарбаев Үкіметтің кеңейтілген отырысында ауыр кезеңде қандай шараларды қабылдау керектігі туралы Жолдауында айтатынын, оны осы жылы жариялауды жоспарлап отырғанын мәлімдеді.
18 қараша - Қазақстан қырғыз шекарасындағы санитарлық-карантиндік бақылауын тоқтатты.
19 қараша - Дәрігерлер UFC экс-чемпионы Ронда Роузиге 6 ай бойы рингке шығуға тыйым салды.
20 қараша - 2016 жылдан бастап Қазақстанда тек қана қазақстандық өнімдерді сататын дүкендер ашылады.
20 қараша - «Ресей ғарыш айлақтарын 2016-2025 жылдар аралығына дамыту» федералды мақсатты бағдарламасы қабылдануына орай, Ресейлік билік 2025 жылға дейін Байқоңырды қаржыландыруды қысқартатындығы мәлім болды.
20 қараша - «Телерадио хабарларын тарату туралы» заңның 34-бабына өзгертулер мен толықтырулар енгізілуіне байланысты, 2016 жылдан кейін Қазақстанда көрсетілетін шетелдік телеарналар қызметі шектеледі.
20 қараша - ЮНЕСКО-ның Парижде аяқталған Бас конференциясының 38-сессиясы Алты Алаштың көсемі - Әлихан Бөкейханның 150 жылдық мерейтойын 2016 жылы ЮНЕСКО көлемінде тойлау туралы ұсынысын мақұлдады.
20 қараша - Қазақстан Үкіметі облыс орталықтары мен қалалардағы барлық емханаларды кәсіпкерлердің қолына беретіндігін хабарлады.
21 қараша - БҰҰ Қауіпсіздік кеңесі жұма күні өткізген отырысында ұйымға мүше елдерді «Ислам мемлекеті» (ИМ) экстремистік тобымен күресу үшін «барлық қажетті шараларды» қолдануға шақыратын қарар жобасын бірауыздан мақұлдады.
21 қараша - Алматының «Қайрат» футбол клубы Қазақстан кубогының 7-ші мәрте иегері атанды.
22 қараша - Оңтүстік Кореяның бұрынғы президенті Ким Ён Сам Сеулде 87 жасында өмірден озды.
22 қараша - Қазақстандық ММА шебері Қайрат Ахметов аралас жекпе-жектен ең жеңіл салмақта One FC нұсқасы бойынша әлем чемпионы атанды.
23 қараша - Қызылордада жетім және ата-анасының қамқорлығынсыз қалғандарға арналған соңғы балалар үйі жабылды.
23 қараша - Қытайдағы қазақ мектептері “Қара жорға” мен “Қамажайды” ресми түрде оқу бағдарламасына қосты.
23 қараша - Қазақстанда 12 жылдық оқыту жүйесі бірінші сыныптарға 2017-2018 жылдары енгізілетіндігі туралы Білім және ғылым министрі Аслан Бәкенұлы Сәрінжіпов мәлім етті.
23 қараша - суретші, Қазақстанның еңбек сіңірген өнер қайраткері Ыдырыс Есенғалиұлы Қарсақбаев (73 жасында) дүниеден өтті.
24 қараша - Кеңес Одағының танымал гимнастшысы, бес дүркін әлем чемпионы Валентин Могильный 49 жасында жүрек талмасынан қайтыс болды.
30 қараша - 89 жасқа қараған шағында КСРО халық әртісі Эльдар Рязанов дүниеден өтті.

Желтоқсан өңдеу

3 желтоқсан - ЮНЕСКО адамзаттың материалдық емес мәдени мұрасы тізіміне айтыс өнерін енгізді.
4 желтоқсан - Халықаралық «Алаш» әдеби сыйлығының иегері Қалмұқан Исабаев 90 жасында қайтыс болды.
4 желтоқсан - Қазақстанның олимпиада комитетінің тұңғыш президенті Тимур Досымбетов қайтыс болды.
4 желтоқсан - Қазақстан 2017 жылдың қаңтарынан бастап бағаны мемлекеттік реттеуден толықтай бас тартады.
8 желтоқсан - 2017 жылдан бастап Халыққа қызмет көрсету орталықтарының орнына әлеуметтік қорғау, жер қатынастары, мүлікті рәсімдеу салалары біріктірілген «Азаматтар үшін Үкімет» мемлекеттік корпорациясы құрылады.
8 желтоқсан - Тәжікстандағы Памир таулы өлкесінде жер сілкінісі салдарынан 500-ден астам үй қирап, ондаған адам ауыр жарақат алды.
9 желтоқсан - Атаман Дутовтың оққағарлары қатарында «қазақ әскері болғанын растайтын» видеотаспа табылғанын хабарланды.
10 желтоқсан - АҚШ Республикалық партиясы атынан президенттікке үміткер Дональд Трамптың АҚШ-қа мұсылмандарды кіргізбеу туралы ұсынысы президенттікке таласу құқығынан айырады деп АҚШ Ақ үйінің ресми өкілдігі мәлімдеді.
11 желтоқсан - Қазақстанның халық жазушысы, көрнекті мемлекет қайраткері, абыз тұлға Әбіш Кекілбайұлы дүниеден өтті.
11 желтоқсан - Елбасы Нұрсұлтан Назарбаев Қазақстанның Мемлекеттік қызмет істері министрлігін құру туралы Жарлыққа қол қойды.
13 желтоқсан - Сауд Арабиясында әйелдер ел тарихында алғаш рет жергілікті өзін-өзі басқару органдарының сайлауына қатыса бастады.
14 желтоқсан - Қазақстандық кәсіби боксшы Қанат Ислам Дүниежүзілік бокс ассоциациясының (WBA) ТОП-5 рейтингіне енді.
14 желтоқсан - Қазақстан 2016 жылы өтетін Рио-де-Жанейро Олимпиадасының 43 жолдамасын ұтып алды.
20 желтоқсан - Әлемдегі ұлы дирижерлердің біріне саналатын неміс дирижері Курт Мазур 88 жасында дүниеден өтті.
21 желтоқсан - Танымал қазақстандық хоккейші Андрей Борисович Трощинский (37 жас) қайтыс болды.
21 желтоқсан - Адамзат тарихында алғаш рет SpaceX компаниясының ғарыш зымыраны жерге қайтып қонды.
21 желтоқсан - Астанадан Үрімшіге пойыздар күн сайын қатынайтын болады, - деп хабарлайды "Қазақстан темір жолы" ҰК" АҚ басшылығы.
24 желтоқсан - Қазақстанның халық әртісі Бекен Бәкенұлы Жылысбаев (91 жаста) дүниеден озды.
24 желтоқсан - Қазақстанда мектептегі оқу аптасын бескүндікке ауыстыру мәселесі қаралып жатыр.
24 желтоқсан - Мемлекет басшысының бұйрығымен Қайрат Нематұлы Келімбетов Астана халықаралық қаржы орталығының басшысы болып тағайындалды.
24 желтоқсан - Ресей Қазақстанға келісім бойынша тегін беретін С-300ПС зениттік зымыран кешенін түгел жеткізіп болды.
25 желтоқсан - Башқұртстан Құрылтайының мемлекеттік жиын депутаттары белгілі бір жағдайларда 14 жастан неке қиюға рұқсат беретін заңды қолдау шешімін қабылдады.
25 желтоқсан - Әлемдік деңгейдегі ғалымдар көптеген пікірталастан кейін Шыңғыс хан қазақ болған деген тоқтамға келді.
31 желтоқсан - Қазақстан Президенті Назарбаев "Қазақстан Республикасындағы мемлекеттік қызметшілердің этикалық нормаларын және мінез-құлық ережелерін жетілдіру шаралары туралы" Жарлыққа қол қойды.